ضحكه نازله وسط الدموع
والقلب دارى من الوجع
واللى شايفه الناس غريب
العجيب ان انت شايفه من البدع
بضحك ولكن ضحكتي صوتها اتكتم
لما لقيتك ماسك الأحلام وهى بترتعش
اخدتها بالحضن وانت لسه فاكر
ان الحياه فيها الفرح وياك يدوم
لكن حقيقى فعلا انك كنت نايم
وصحيت على واقع تلاقى أرضه بتتهدم
ساحبه اى دليل يدل على الوفا
جوه الحنين والشوق لأيام الدفا
بتمنى فيها امنيه مع العام الجديد
يداري اى شقوق بتظهر م الصدع
دارى الوجع وهو متشعلق فى سور
فكره انه مبنى ليها من حديد
لما قربت تمسك منه طوبه
اتهد منك تحت اسم من الورع
نسيت خلاص ان الحياه كده انتهت
ووجودها كان مجرد حلم زائف
راحت لفين ولا لمين مبقتش فارقه
وراح معاها كمان سنين خليك جدع
وانت بتدارى الوجع
***********************
دارى الوجع
شعر / شيماء خليفه
ليست هناك تعليقات:
إرسال تعليق
اهلا وسهلا بكم أنرتم اتحاد المثقفين العرب