بعيد عن النحنحه
والسهوكه
والغمز والتنهيد
من غير ماازيف في الحقايق
ولا اذوق في الحروف
مشاعرك حاجة بارده
فرق بينك وبينها
كل ماابص في عيونها
احس الفرق بينكم
هي الاصل ديما
وانت ليها تقليد
يفرق احساسي بيك
عن احساسي بيها
وكل مرة اشوفك
ديما بحن ليها
وكل مااكتب حروفي
توصف احلي مافيها
يااحلي ما في وصفي
يانغزة خد حلوة
ياسلام لما تضحك
ادوب في جمال رموشها
تملي اتغطي بيها
كتبت كتير عشانها
امبارح كان اوانك
وزي ماكنت عشانك
بكرة هعيش اوانها
وزي ماكنت ليك
انا مش باكي عليك
بقولها وصوتي عالي
زمانك عدي وراح
واللي جاي هو زمانها
وزي ماكنت لي جرح
هتكون هي المداوي
هتكون حرفي اللي باقي
اصلي والله ناوي
تبقي كل اشتياقي
ولو بايدي اقدر
اديها عمري اللي عدي
وكمان اديها اللي باقي
يارب ديمها نعمه
احساسي بها نعمه
اصل وجودها راقي
احمدعبدالحق
ليست هناك تعليقات:
إرسال تعليق
اهلا وسهلا بكم أنرتم اتحاد المثقفين العرب