يامهنة الطب باقدملك اعتذاري
عملتيني دكتور ودا مش كاري
نسيت اني انسان وكترت اخطائي
باعترف اني المفروض اكون حرامي
طب اروح فين ومين يرحمني من ناري
ازاي بابيع الاعضاء اد ايه انا انسان اناني
طفل صغير راجل كبير اهو اللي يجي ادامي
نسيت اني حالف يمين اني يكون التزامي
احافظ عالناس وتكون الرحمه عنواني
بقت الفلوس هي لغتي وهي كل امالي
نسيت انها مجرد وسيله عشان بس نعيش
مش اننا نعيش كده بس زي الحرافيش
ادوس عالناس و اللي مامعهوش ميلزمنيش
ضيعت حسنات كتير هتخلي النار متلمسنيش
لكن انا نسيت ربنا والشيطان خدني مارجعنيش
ماشي معاه وفرحان اللي يموت يموت واللي
يعيش يعيش
ونسيت الموت ونسيت كمان ان ولادي ومالي
ماهينفعونيش
هياخدوا فلوسي وينسوني
ولا عادوا حتي هيفتكروني
بصدقه حتي نخفف ذنوبي
ماانا ربيتهم من سحت ازاي
بقا راح يفتكروني
دي الرحمه حلوه بتخلي الحديد يلين
لازم نفتكر اننا في الاول والاخر بني ادمين
خلقنا ربنا من عدم تراب وطين
واهو احنا هنعيش حياتنا ولهم راجعين
يبقا ليه ناكل في بعض اد ايه قلبي حزين
علي كل ام انكوت علي ضناها ودبحتوها بسكين
يلا بقا ياغلبان شوف هتقول ايه لرب العالمين
لما يسالك عن كل روح ضيعتها وانت عرقك للجبين
هتجاوب تقول ايه بس اتلقي بقا وعدك يامسكين
رساله لكل طبيب
بقلمي ساميه ابراهيم
ليست هناك تعليقات:
إرسال تعليق
اهلا وسهلا بكم أنرتم اتحاد المثقفين العرب