قصيدة "مش كنت تقول"
بقلم : ريم جابر
والله ياغالى أتاريك براوى
ومخبى فى عينك صحرواى
مش كنت تقول إنك جاى ناوى
رسمتوا الرسمة ظبطتوا الخطة
وأتاريك ياصابر فى الشر حاوى
دخلتوا البيت دلقتوا الزيت
وجريتوا إتقسموا فى بلاوى
عملتوا الخير لا والله للخير
ياصابر كنت غاوى
أباااى على خيرك ياصابر
وياااما فى الدنيا هنسمع حكاوى
قسموا الذبيحة على جثة الطيب الخاوى
وقالوا هنبنى المجد والصرح على حساب الراوى
مات الكلام ياناس واتبهدل الغالى
مالقيت حد معانا وحتى الخالى كان خالى
وساعتها قلت سلام ...خلاص مات الكلام
وعهد عليا يا بايا ياللى مت عليل وجريح
ياللى بحورك الهادية الطيبة اتقلبت ريح
هاجى وأبوس قبرك ...واصلى الف صلاة
...وهجبلك راس الصحراوى لوسكن اّخر بلاد الله ...
والعهد دين يانااااس ولوبعد ألف حياة.
ليست هناك تعليقات:
إرسال تعليق
اهلا وسهلا بكم أنرتم اتحاد المثقفين العرب