#مــــــــن واقع الايــــام
#قصيدة : #يوميات_جنوبية
#بقلم : #ريم_جابر
الجدع قلبه أتوجع متربى على الهيبة
وشكل الزمان أتغير ياجدع والطيبة أصبحت عيبة
وقالوا زمان أجدادنا العيبة متجيش إلا من اهل العيبة
تسمع حكاوى زمان ترجع تبص الاّن متلاقى غير خيبة
أبااااى عليكى يادنيا مبقيتى غريبة وعجيبة فى عجيبة
تقعد فى وش الجدع يرسملك التقوى ...
تمشى يادوب خطوة تسمع كلام فاضى
والراجل اللى هناك عامل كمان قاضى
بيحكى أى كلام
يفضل يقول ويعيد ويفت فى الماضى
فلان طبعه أصيل وعلان راجل بخيل
اباااى عليك ياجدع ده انت كمان سئيل
#متصلوا_عالهادى
وهنشرب الشاى عند عمنا سمعان
عند البيت متجمعين صحبة فى عصارى
سمعان اشتكى من أخوه
والإبن اشتكى من أبوه
واللى متغطى بالزمن ده عارى
وهناك عمنا بيدور بيفتن الناس فى بعضها
وعامل حبيب الكل
ماسك فى أيده السبحة والعيشة فل الفل
تلاقيه منافق ردى يفتن مابين الناس ..
دايماً شيطان خناس
عايش دور التقى ناقص يبيع بخور ...
وياما ناس كتير زيهم تفرح بحزن الناس
وحكاوى كتير ...كتير ...من واقع الأيام
ليست هناك تعليقات:
إرسال تعليق
اهلا وسهلا بكم أنرتم اتحاد المثقفين العرب