................ياغايب عن عيوني..................
.كلمات الشحات عرابى
ياغايب عن عيوني. .. وحشاني طلتك
النوم خاصم جفوني......ليه طالت غربتك
ودموعها بيخنوني.........مشتاقه لرؤيتك
وايديا الهجر طالها.........محتاجه لضمتك
تعالى اطلب وصالها.........وحياة محبتك
صورتك جوه قلبي........بتواسي وحدته
انت هناك ف غربه..........وهو فى غربته
من يوم غيابك عني.......ما نشفت دمعته
تعالى كفايه غربه............وطفى لوعته
قلبي الموجوع ببعدك.......وحشاه حنيتك
كلمني وطمن قلبي......مستني مكالمتك
يا اغلى حاجه عندي......سمعني ضحكتك
فاكر ساعات لقانا............وليالي السمر
وسط ورود الجناين..........وزخات المطر
وعصفور جميل صغير....بين اوراق الشجر
بيغنى احلى غنوه..... . ...وبيسرق النظر
اللحن كان كلامك.........وكان قلبي الوتر
الغنوه كان مطلعها........يا ناوى ع السفر
قلبي داب فى حبك ........وعليك هينفطر
أياك يطول غيابك.. .......لا قلبى ينكسر
وساعة م اشتاق لنورك...... ه ابص للقمر
واحلم انى سامع......... احلي واجمل خبر
نور عنيا وقلبي..............عاد من السفر
بقلم/ الشحات عرابى
ليست هناك تعليقات:
إرسال تعليق
اهلا وسهلا بكم أنرتم اتحاد المثقفين العرب